Nunha escura tarde do mes de Decembro, lendo o listado de embarcacións pendentes de desguace publicada pola Colnsellería de Pesca da Xunta de Galicia, atopámonos co nome PLATUXA con base en Portonovo. Ahí comezou a salvación desta lancha a motor de 1975. Logo de moitos trámites burocráticos e xa cando parece que o desguace ía ser inminente, a Consellería concedeunos a titularidade do barco.
Hoxe en día o Platuxa sigue fondeado no porto de Portonovo coma anos atrás pero sen actividade algunha, xa que tra-la concesión da titularidade xurdiu un novo problema, asignarlle un folio definitivo nunha lista que nos permita usar o barco para fins culturais.
A Asociación segue facéndose cargo del -coma non podía ser doutra forma- navegando de vez en cando e procurándolle o mellor mantemento sempre que a nosa economía o permita, e esperando unha boa resolución da Capitanía Marítima para poder velo navegar legalmente.
>visitar álbume de fotos
