|
Novo número do Cabeso...
28/12/2009
Seguindo o mesmo rumbo que nestes últimos anos, editamos un novo número do Cabeso, o noso Voceiro mais tradicional, coincidindo coa nosa Asamblea Xeral de Socios do 28 de Decembro. Pódese adquirir en calqueira dos locais que patrocinaron a súa impresión ou contactando con algún membro da Xunta Directiva. E como non, se non podes agardar a conseguilo en papel, pódese descargar directamente da nosa web pinchando aquí.
|
Neste novo número, coma de costume, pasamos revista ás nosas actividades no 2009: organización do Enterro da Sardiña, participación na Festa da Raia, organización da II Regata do Sepelo, participación en concentracións de embarcacións tradicionais e no IX Encontro, e participación nas regatas de dornas.
Como nova de importancia, informamos tamén das negociacións con Portos de Galicia para lograr a concesión do "Local da Antiga Bomba do Gasoil" para sede da nosa Asociación.
|
___________________________________________________________________________________
Crónica do XIII Encontro de Embarcacións Tradicionais de Bueu...
25/11/09
A finais do pasado mes de Agosto, os Amigos da Dorna de Portonovo
puxemos proa cara a outra banda da ría pra participar nos XIII
Encontros de Embarcacións Tradicionais de Bueu. O compañeiro No-Lo,
socio natural de San Vicente do Grobe, narra o acontecido con todo luxo
de detalle.
A batalla de Bueu empezou como todas as boas batallas no muelle de
Portonovo. A cuadrilla dos Amigos da Dorna de Portonovo, tivo que facer
frente a un primeiro frente de batalla cando o noso amigo ¨Gaspar¨
o ¨asassino¨ lle rompeu o remo de babor á Jatiña, para impedir que as
tropas fosen na conquista de Bueu. Pero os nosos arriscados mariñeiros,
non se derribaron e continuaron polo camiño da victoria, con dous
frente:
O primeiro, no Platuxa, capitaneado polo 1º Pre-Capitán da
Mariña Mercante de Portonovo Damián Aguín -Xanote-, subcomandado polo
suboficial de código de colores, Jandro, o noso ben querido xefe de
máquinas, Pelouro, e o Almirante Lucho. Non podía faltar unha muller de
ben en todo isto, por iso tamén ía Sara pra controlar a situación e
manter a calma a bordo en todo momento.
O segundo, na Jatiña, baixo as ordes do Comandante Anxo, o mariñeiro
No-Lo facía o que podía, até que se quedaron sin vento, e finalmente
tiveron que ser remolcados polo buque guía.
Unha vez en terra probamos os maravillosos manxares que nos ofrecía
Bueu, unha comida chea de pulpo (de feito non había mais que pulpo) e
unha birra fría que nos animou despois dunha dura travesía. Pola tarde
saímos no PLATUXA e na JATIÑA a navegar nunha tarde maravillosa, na que
puidemos desfrutar dunha boa navegación polo bo vento reinante, ademáis
duns bos baños amarrados a unha batea.
Non a gusto co pulpo que inda daba voltas no estómago, dispuxemonos a
asaltar un mercado na busqueda da cena perfecta, na que se aclamou por
votación popular maioritaria facer a festa de inaguración Dj Pelouro
Platuxa Party (con barra libre). Co exito de tal acontecemento, para
afrontar e impedir o acceso de toda persoa non acreditada, crearonse as
entradas VIP (persoa moi importante) con dereito a uso das instalacións
e barra libre, e dúas entradas VERY-VIP (persoa moi moi importante) con
dereito "a todo".
Sería este o punto no cal, o noso compañeiro gran amigo de facer amigos
(e non é Pelouro), fixo amizade cunha moza de bo ver, a cal resultaría
estar casada cun mozo de bo ver tamén. Sería este o punto na que as
vidas dos intrépidos mariñeiros de Portonovo (e San Vicente tamén) se
verían cambiadas totalmente para o resto da súa vida. Indo a tomar uns
sumitos p´stomajo vimos que no mundo hai moita fame, que os mariñeiros
de auga doze non son o que eran, e que as palabra dunha persoa poden
ser ata cravos que inxectan un veneno mortal. Chegados a este punto,
vímonos na obriga común de escapar, de escondernos, e de atrincherarnos
co fin de non resultar feridos polas atrocidades das que fumos
víctimas.
E sería aquí cando de casualidade foramos a buscar unha discoteca na
cal nos encontramos co TENIENTE CORONEL TELMO, e no cal por desgracia
nos vimos no mesmo camiño dunhas mozas atractivas que falaban un pouco
raro.
Noites alegres, mañáns tristes, diría o Tenente coronel Telmo. Unha vez
realizada con exito a misión establecida un ano antes polo mismo
destacamento, os mariñeiros fumos tomar unhas colas a Beluso
No mediodia do domingo o Capitan Ñam levounos triunfal para o porto
base, pasando a resarcirse da victoria polas praias de Canelas,
Caneliñas e finalmente no muelle de Portonovo.
___________________________________________________________________________________
IX Encontro de Embarcacións tradicionais de Galicia... MUROS 2009
30/07/09
Impresionante os Encontros deste ano en Muros. Os Amigos da Dorna de
Portonovo comezábamos xa o fin de semana anterior ao inicio do evento,
cunha travesía bastante tranquila ata Muros na Jatiña. Para alá
partiron Marcos "Parapeta", Rafa e Anxo coas táboas da Jatiña ainda
rebendo alquitrán, xa que os días pasados houbera varada. Xa en Muros,
esperábanos o compañeiro Xaquín, o responsable de oreganizar o cotarro
no mar, e ben que o fixo, porque todo saiu mellor que ben.
Xa
o mércores á noitiña, fomos asistindo por bandadas, e con banda sonora
de Kortatu, Zé (nova incorporación dende Ogrobe), Ibon (con moitas
ganas e recen chegado de Portugal-ETE) e Anxo (dirixindo á expedición).
Tamén se achegaron a pasar a primeira noite Luis "Piñeiro" (refuxiado
político da Arousa), e Paola (representante da "Rasa Parajuera")
chegada dende Ourense. Tamén está en Muros Trepa, choiando no Chasula
ás ordes do seu armador Isidro Mariño. Este primeiro comando foi
inspeccionando o mar polo día, e a terra pola noite, descubrindo rúas e
avanzando sobre o terreo, "catando" tabernas e posibles lugares de
ocio...
O xoves comeza oficialmente o
Encontro, con bautismo de mar para Zé pola mañán e coa tripulación mais
nova de Muros pola tarde, xa que tres mozos de Muros non pararon de
insistir ata conseguir sair na Jatiña, pese á nortada que había. E coma
non podía faltar, o Maestro Chapela chegou a Muros antes de que caise a
noite -hai que ir o primeiro día, que é cando se reparte o peixe-
e dende Compostela, chegou Coquí para asistir pola noite ao concerto
Rock e primeira "marexada" nocturna salvada con éxito pola nosa
tripulación
O
venres a cousa foi medrando. Pola mañán regata de vela e remos, onde a
Jatiña, anque sin ser oficial o recoñecemento, levou o premio á
embarcación mais agresiva en competición. Os chavales de Muros foron os
totais artífices de tal distinción. "Motivando" aos remeiros e
controlando a situación, actuando de animadores Suso, Zé e Anxo. Pola
otra banda do mar na Bicoca, Ibon e Chapela sentíanse tan frecos que
deron un par de voltas mais ao circuito, destacando, sobre todo, nos
largos a remos, e non pola súa velocidade. Á tarde chegaron Telmo,
Pelouro, Lucho e Marcos "Parapeta", cada un o mais notable na súa
especialidade, destacando Pelouro pola súa mais que certificada
experiencia neste tipo de eventos, e coa mesma puxemos proa a Esteiro
co resto da flota. Foron chejando a Jatiña, con invitadas nostálxicas
de Brest, Mila e Marta; logo entrou a Coninha, con Telmo e Pelouro en
dura puxa con Ibon e Chapela que ían na Bicoca. En porto, recibimento
espectacular e festa rachada, repoñer folgos e voltar rumbo a Muros,
onde esperaban Xoel, Rafa, Graciela, Totó, Cruz e algún socio mais que
non puido chegar antes. Á noite, de novo "verbena" de novo co resto de
tripulacións, xa fora en terra ou no mar.
Entramos
no sábado con xa un pouco de resaca. O relevo do venres chegou a tempo
-a xente que levaba dende oprimeiro día xa se lle ía acabando o jas-
polo que as navegacións foron bastantes completas. Uníronse a nos dúas
boas mozas de da Vila, Isa e mais Sé, que xa embarcara unha vez na
Jatiña en Portonovo.Pola mañá saída á navegar pola abra de Muros, e
pola tarde, proa a San Francisco. A Jatiña carjada a plan e a Bicoca
maila Coninha en dura competición por aclarar a revancha do día
anterior; resultado final -empates a uns-. De volta a Muros,
espectacular a entrada a porto con toda a flota practicamente amurada e
sin vento. En terra esperaban Carballa e Dani, armadores ambos que se
incorporaban no festival á ultima hora.
Domingo,
último día e amanece chovendo. Suspéndese toda actividade no mar. Un
final triste para o encontro. Muros fai un punto e parte no que son os
encontros, xa que moita xente se plantexa o de repetir a próxima
edición nesta Vila. A verdade é que foi espectacular ver o pobo, a
arquitectura tradicional da ribeira engalanada para a ocasión. Digamos
que as embarcacións tradicionais foron complementada, ademais de polas
actividades, exposicións e demais temas que sempre se organizan
paralelas, pola Vila en si. Polas rúas coas velas secando colgadas dos
balcóns, polo secadeiro de congro, polos aparellos, polas carpinteiras,
polas tabernas, por todo. Todo perfecto.
Para
os Amigos da Dorna o encontro en sí non rematou ahí. Queda a travesía
de Muros a Portonovo coa Jatiña. E alá foron Chapela, Turtle, Lucho e
Anxo nun dñia que amaneceu con borrasca e chovendo. Non pintaba ben.
Coincidiron coa Meca e tiveron que tomar rumbo a Porto do Son, amarrar
a porto e replantearse o de seguir, xa que o vento sopraba do
suroreste. Alí mirando ao ceo, xurando nas prediccións meteorolóxicas e
tomando unhas frescas, decidiron continuar ante o cambio no tempo que
parecia que entraba. E sairon. Foron seis horas doblando o cabo de
Corrubedo, nunha empopada ben forte, mais polo mar que polo vento, ata
pasar Sagres. O saír do abrigo de Sálvora, mais empopada, pero con
vento algo mais forte; coser rizo e continuar, ata virar Cabicastro -
xa estamos na casa-
Coma sempre, outra experiencia moi dificil de esquecer.
___________________________________________________________________________________
Gran participación na II Regata do Sepelo...
16/06/09
Un total de 29 dornas aparelladas a vela participaron na segunda
edición da Regata do Sepelo que organizamos os Amigos da Dorna de
Portonovo. Desta volta había dornas en representación das rías de
Arousa, Pontevedra e Vigo, xa que asistiron os compañeiros da Larpeira
dende Moaña, ademais dos habituais da Illa de Arousa, Ogrobe, Cambados,
Vilanova e coma non, de Portonovo.
Nesta
edición o vento soplou con mais alegría co ano pasado, do oeste suave e
co mar totalmente calmo. Anque houbo un retraso considerado na saida
por mor de outras "actividades náuticas" no mar, un total de vintedúas
dornas completaron o percorrido de dúas voltas a un triángulo na
riberia de Portonovo.
Logo
dun par de horas comezaron a chegar á punta do muelle, onde estaba
situada a meta as dornas "con mais presa" encabezadas pola Jalerna,
seguida da Nécora e a Larpeira, que se colou no medio do dominio dos da
Illa de Arousa completando desta maneira o podium da regata. En cuarto
posto entrou a Bazarra, seguida da Cariñosa e a Fuxe, primeira dorna
dos da Dorna Meca. Seguiron entrando a Rona, a Forza R, a Rosalía con
gran ledicia para a tripulación mais nova. De décimos na Triñana, e
facendo historia, Mojaduras e o primeiro tripulante "Afro-Meco" da
navegación tradicional do Grobe. Complétanse así as dez primeiras
posicións da regata.
Con
menos velocidade, pero non con menos presa, foron chegando a Caracola,
a Mimela, a Freixana, a Marijuana, a Petela, a Maristela, a Zenaida, a
Bandalla, a Bicoca, primeira en entrar da nosa asociación, a Segunda
Dorita, metendo presión aos anteriores a uns metros da meta, a Estela,
a Coninha e a Laberka, todos eles dignos e merecedores por rematar a
regata.
Os non
menos valentes, ainda que non completaran a regata son a Siña María, a
Semparada, a Nerea, a Fanequeira e a Paxara, de Pelouro, que só sae ao
mar en ocasións tan especiais coma esta. Fora do concurso, a Jatiña
tamén navegou entre os regatistas completando a totalidade do recorrido.
Sen
dúbida temos que agradecerlle a tódolos participantes que asistiron á
regata, que foron os auténticos protagonistas, pero tampouco nos
esquecemos dos que apoian a actividade patrocinando na medida do
posible, e sobre todo, agradecer aos currantes, dende o que fai as
tortillas ata o que saca as fotos, que coma sempre, dende o anónimato,
son os constructores disto. GRACIÑAS A TODOS.
En
definitiva, outra gran actividade que levamos a cabo na nosa vila pra
dar a coñecer o noso patrimonio ao resto de mortais. Contamos con
repetila; coma sempre, mais e mellor. Ata o ano!!
Algunhas Fotos >>>
___________________________________________________________________________________
|
Volven as dornas a Portonovo...
09/06/09
Este ano volve unha nova edición da Regata do Sepelo de dornas a vela a Portonovo
O
vindeiro sábado 13 de xuño Portonovo encherase de velas ao tercio das
dornas máis rápidas do mundo. Coma o ano pasado, será a delícia de todo
visitante ver na Ría de Pontevedra mais de vintecinco embarcacións
aparelladas a vela como antano, e Portonovo revivirá o seu pasado
mariñeiro anque sexa por un día.
|
O
percorrido da regata será de dúas voltas a un triángulo situado na
riberia de Portonovo, partindo dende a punta do muelle cara o Seame,
virando cara o Morrazán e de volta ao muelle. Esperemos que o mal tempo
que hai estes días mellore e que haxa "jasolina" suficiente para as
velas.
Anque
estas dornas non van chegar de peixe "a plan", o resultado da regata
"subhastarase" na lonxa coa correspondente entrega de premios e, coma
non podía ser doutra maneira, cunha boa papadela pra recobrar as forzas
gastadas nas maniobras.
Esperámosvos en Portonovo este sábado!! |
___________________________________________________________________________________
Os Amigos da Dorna estivemos na Festa dos Maios ...
03/05/09 - Por Ana Leiro
Na tórrida tarde do 3 de maio do 2009, Pelouro e máis eu achegámonos
até a praza do Campo de San Roque co fin de apoiar os membros da AA.VV.
San Cristóbal, de Portonovo, os cales non sen pouco esforzo,
organizaron o Concurso de Maios de Portonovo.
Pasado
o pequeno susto pola caída dun dos Maios por mor de vento, e tras
capear algunhas diferencias entre parte do público e membros do Xurado,
comezou a festa.
Houbo
verdadeira Ledicia entre as auténticas estrelas da tarde: OS NENOS que
volcándose de cheo, foron quen de crear verdadeiras obras de arte,
tanto literarias coas historias, coma arquitectónicas cos Maios
maxistralmente engalanados.
Logo
da entrega de agasallos relaxámonos degustando un sabroso chocolate,
que veu moi ben para repoñer forzas dos nenos e non tan nenos que alí
nos atopábamos nesta enxebre xornada.
É
de salientar o grande esforzo que a AA.VV. está levando a cabo na
procura da salvación e non extinción das nosas festas populares. Dende
aquí vos alentamos a que non deixedes de participar axudando no que
poidades, para que estas festas manteñan os folgos e non recaigan -Non
todo van ser barcos-
___________________________________________________________________________________
Pois este ano morreu de fame...
27/02/09
Sí, este ano a nosa sardiña, que levaba cara de Obama, morreu de fame
esperando na cola do paro, ala entre o Centulo e Faxilda, tal e como
rezaba na esquela, que este ano non quedou exenta de polémica, xa que
seica houbo xente que se sinteu ofendida e indignada polo que nela
poñía. Sentimos profundamente que haxa xente que nin en carnaval lle
salte a chispa esperpéntica nin do bo humor.
Polo
demais, decir que todo trancurriu con absoluta precisión e
programación, asistindo unha gran cantidade de veciños de Portonovo,
das parroquias dos arredores, e inclusive de Sanxenxo (que na esquela,
con total recochineo, sen ánimo de ofender e moito menos de excluílos,
non estaban convidados).
Ás 20:30 saíase puntualmente dende o recinto do Colexio para realizar o
tradicional acompañamento da finadiña polas rúas do pobo, con paradas
nos lugares de costume, onde se leu un sermón repasando os temas de
actualidade en varios idiomas (por iso do bilingüismo e tal...). Coma
sempre, a difunta acabou asada á brasa no muelle para logo comezar unha
gran festa-funeral na carpa, con picoteo incluído a base de churrasco,
criollos, mexilóns, cachelos, empanada, viño e refrescos; e todo de
balde. Convocamos un novo concurso de "Miss Viuva" onde houbo unha gran
participación, incluso estamos pensando en facer unha edición masculina
(por aplicar a lei de igualdade...a xente comeza a queixarse).
Rematamos a festa co sorteo do tradicional "Cocido para 15 Persoas" que
desta volta foi parar a mans de D. José, o mellor taberneiro que ten o
Bar Baiuca.
En
definitiva, outra gran edición do Enterro da Sardiña, que volveu contar
co apoio económico e material do Concello de Sanxenxo e da Cofradía de
Pescadores de Portonovo, e que sobre todo, se puido levar a cabo
gracias a tódalas persoas, que voluntaria e desinteresadamente, se
persoaron para colaborar no evento. Tampouco nos queremos esquecer de
agradecerlle ás empresas que aparcan o seu interés comercial (mais
nestes tempos que corren) e colaboran tamén no evento. A todos eles,
MOITÍSIMAS GRACIAS!!!
O vindeiro ano, esperamos que mais e mellor.
___________________________________________________________________________________
