Dende a súa creación, a nosa Asociación é membro da Federación Galega pola Cultura Marítima e Fluvial, formada por asociacións do mesmo eido ca nosa. Esta Federación, en colaboración con diversas asociacións ven cerebrando dende 1993 e cada bienio os Encontros de Embarcacións Tradicionais de Galicia por diferentes portos da xeografía galega. Levamos asisitindo coma asociación a estes eventos dende que no ano 99 se convocara na vila de Rianxo. Volvemos dous anos mais tarde a Combarro, logo á Illa de Arousa, Cambados e finalmente no ano 2007 arribamos a Ferrol.

Tamén se leva asisitindo ás concentracións Internacionais de Douarnenez e de Brest, na Bretaña francesa, grandes festas da tradición mariñeira reconocidas a nivel mundial. Este ano 2008 vólvense repetir a convocatoria, pero desta vez parece que vai ser unha representación oficial, sendo Galicia invitada de honra e contado co pleno apoio da Xunta de Galicia.

Outras moitas concentracións que se convocan ao longo das nosas rías, coma a de Bouzas en Vigo, en Meira, Bueu, Combarro, Vilanova...ás que tamén asisitimos, e sin esquecernos dos nosos compañeiros do norte de Portugal, a onde nos desprazamos tamén a diversas concentracións que se organizan en Vila do Conde, Viana do Castelo, Aveiro...

O circuito de regatas que organiza a Federación Galega pola Cultura Marítima e Fluvial en conxunto coas asociacións participantes tamén conta coa nosa presencia dende fai uns anos, acadando postos bastante satisfactorios.

Hai que mencionar tamén o Enterro da Sardiña que ano tras ano vimos organizando na nosa Vila, así como a cachada de San Xoán.

Todas estas actividades reflexámolas a través de O CABESO, que cumpre as funcións de voceiro da asociación para transmitir todas estas actividades coas que a nosa Asociación pretende frenar o olvido, recuperar o noso patrimonio e divulgalo ao resto da sociedade. 

As actividades previstas pola asociación para este ano móstrase de seguido.

Datas	Actividades
13 de Febreiro	Enterro da Sardiña en Portonovo
1 a 4 de Maio	Festa da Raia en Portonovo
17 de Maio	Día das letras na Illa de Arousa
23 de Maio	XIV Feria del Pescado en Bermeo
7 de Xuño	IV Regata Fasquía na Illa de Arousa
20 de Xuño	II Encontro de Embarcações Tradicionais de Viana do Castelo
20 de Xuño	IV Encontro de Embarcações Tradicionais de Vila do Conde
21 de Xuño	I Regata do Sepelo en Portonovo
28 de Xuño	XXIV Volta á Illa de Arousa
3 de Xullo	II Festa de la Mar.L'Ametlla de Mar
11-17 de Xullo	Brest 2008. Fète Maritime Internationale
19 de Xullo	VI Regata de Embarcacións Tradicionais Porto de Redes
26 de Xullo	Festa do Río en Monforte
26 de Xullo	XII Regata dos Faros no Grove
2 de Agosto	XX Regata do Bao na Illa de Arousa
9 de Agosto	Xuntanza de Embarcacións Tradicionais de Meira, Moaña
9 de Agosto	IX Regata do Albariño en Cambados
22 de Agosto	Festa do Mar en Combarro
22 de Agosto	XII Encontro de Embarcacións Tradicionais de Bueu
23 de Agosto	II Regata Calmoseira
30 de Agosto	Regata e Xuntanza en Vilaxoán
5 de Setembro	Xuntanza de Embarcacións Tradicionais Vila de Bouzas
11 de Outubro	Regata do Marisco